Dende'l tueru

asturies cuenta

Sat, 06 Sep 2008 11:42:45 +0100

Cuento que ye difícil axuntar nun solu testu un númberu talu d'autores en llingua asturiana, nesti casu dando la so visión de l'Asturies que foi, que ye y que pudiere ser.
La presentación será'l xueves 18 de setiembre a les 17.30 nel CCAI (dientro de la programación de l'Arribada).
Cuido que pagará la pena acercase.

creciendo n'aragon�s

Fri, 29 Aug 2008 16:57:09 +0100

Anque les clases d'aragonés pasen desapercibíes les más de les veces (formen parte de la ufierta estraescolar), la llingua propia sí ye percibible en bien de families (cola alegría que supón siempre escuchar a un neñu falando nuna llingua en peligru).
La primer vez que sentí charrar patués abultóme que la distancia en quilómetros acurtiábase ente la mio casa y aquel valle nel que me tocaba vivir.
Viendo esti reportaxe pue entendese por qué.

c�rceles

Mon, 18 Aug 2008 19:06:47 +0100

Hai unos díes visitábemos la cárcele de Peniche, una de les prisiones más importantes que la dictadura salazarista tenía acutada pa los presos políticos.
Impresionóme sobre manera l'estáu nel que conserven los espacios, pudiendo percorrer los patios y les celdes como si'l 25 d'abril pasara'l mes pasáu.
Informando, dexando pensar, recordar o nun escaecer; como prefiramos.
Que transición la nuestra qu'esbarrumbó les muries de les cárceles franquistes pa repartir lleiciones de democracia a los vecinos probes. Cuando a la fin, la memoria de les tortures a los nuestros presos conviven con centros culturales nos que naide nun s'alcuerda d'ellos.

"belga"

Thu, 31 Jul 2008 19:14:21 +0100

Esti domingu 3 d'agostu delles protectores d'animales asturianes tienen organizao una muestra de perros abandonaos. L'oxetivu ye facer visible una realidá que raramente pue vese si nun t'averes a ún d'estos albergues. La realidá ye: la xente sigue abandonando perros. Y munchos. Amás, y como ye lóxico, quieren animar a la xente a adoptar.
De la protectora de Llangréu vamos llevar un total de 16, a mí tóquenme un guapísimu pastor alemán y el non menos prestosu "Belga", que va costar trabayu nun llevar pa casa.
Animo a tol mundu a averase al recintu de la fiesta de les asociaciones, na playa de Pando de Xixón.
Dende'l mio puntu de vista recoyer un perru abandonáu nun ye sólo una "bona aición", ye tamién asumir que nun t'atopes énte un oxetu de consumu al empar qu'abres la posibilidá d'escoyer (y que t'escueyan) por una empatía que va más allá de la compra por catálogu.

Na semeya, Deva. Claro.

Y lleguen nueves estaciones

Tue, 29 Jul 2008 13:57:30 +0100

Yá lo diz Beirut na guapísima "Elephan gun", hai que dexar que les estaciones pasen porque a lo meyor mañana tornamos a alcontranos.

del bable nes escueles a la "escuela de bable"

Mon, 28 Jul 2008 17:59:51 +0100

Llégame un titular con fecha cambiada:

"Sabino Fernández Campo considera exagerado que se quiera poner una escuela de bable".

¿Una escuela de bable?, ¿ónde?.. nun tenía noticia. Diz amás que "tenemos una lengua común regulada y perfecta", y que les otres llingües, ente les qu'entiendo que ta esi bable de la escuela, tán bien pero "dentro de su ámbito familiar". Claro. Entiéndese entós lo de la escuela, si ye una llingua pa falar cola familia, y siacasu en dalgún chigre, ¿pa qué vamos dir a estudiala a la escuela? ¿pa qu'aspire a ser una llingua "regulada y perfecta? quita, quita, pa eso yá ta la común..¿l'inglés yera, non?

Hai que fastidiase qu'estes sesudes reflexones formen parte del seminariu "Recuerdos, realidad y futuro". Paez evidente suponer que pertenezan a la estaya de "recuerdos", porque d'otra manera, y a estes altures, nun faen más que suscitar una sonrisa, ¿o non?.

Y baillando..

Fri, 25 Jul 2008 13:33:44 +0100

Guapísimu discu.
Quédome col "Valse Coxu", que talamente apetez baillar nel interior d'una casa de moñeques... una pena que nun ficieran con ella un segundu videu clip.

Llingua poco com�n

Fri, 04 Jul 2008 14:40:16 +0100

Y sigo dando-y vueltes al "Manifiestu" de marres, sobre manera cuando les mocedaes del PP de Madrid copien el míticu cartel de la Xunta "Usa la llingua" p'averase al cine X producción Made in Spain.
Que alibiu pertenecer a una llingua poco común.

"pincelaes"

Tue, 01 Jul 2008 13:16:09 +0100

Esti xueves a les 16.30 y dientro del programa "Paraísu natural" qu'entama Antón García na Radio del Principáu, estreno la collaboración "Pincelaes".
Dientro del tremendu pudor y respetu que me dan los medios de comunicación, sobre manera nos que tienes que poner la cara o la voz como ye'l casu; ocurrióseme aprovechar la convidada d'Antón pa facer daqué colo que pudiera sentime cómoda. Creo qu'esti ye'l casu d'estes "pincelaes" que busquen alcontrar esos llugares del mundu que tienen la capacidá de respiganos. Nun ye poro una guía de viaxe, nin siquier un cuadru que tenga que pintase enteru; namás qu'una suxerencia que dexo enriba la mesa.
Esta selmana estrenamos col templu zoroastra de Chok Chak, n'Irán. Espero que vos preste sentilo lo que ta prestándome a mí imaxinalo.

Derechos lling��sticos

Tue, 24 Jun 2008 18:01:56 +0100

Y pensar que la verdadera vulneración de derechos llingüísticos vienme pela parte de falante de castellán..¡quién lo diba a dicir!