Dende'l tueru

mud�monos

Fri, 30 Jan 2009 21:34:17 +0100

mudámonos a la páxina:

www.dendetueru.com

guetando...

Tue, 20 Jan 2009 23:09:10 +0100

Entama una nueva etapa de la revista de Lliteratura Infantil y Xuvenil n'asturianu: " A la gueta los suaños".
Con munches, munches ganes...

Otru espexismu

Mon, 12 Jan 2009 22:12:24 +0100

Ente los munchos ya interesantes artículos que tán publicándose estos díes sobre Gaza, rescato'l de Tomás Alcoverro, periodista y residente en Beirut dende hai años. La llectura de la recopilación de los sos artículos nel llibru "espejismos de oriente"(Editorial Destino), cuento con que pue esplicanos d'un mou tremendamente lúcidos munches de les cuestiones que güei se cuestionen... ehí va l'artículu y la suxerencia.

http://www.lavanguardia.es/beirut/index.html

Foto 07/01/2009 20:53

Wed, 07 Jan 2009 20:53:20 +0100

Una cárcele cercada na que nun entra nin sal nada nin naide. Una población abandonada pol mundu y la irresponsabilidá de los sos gobernantes. Una masacre inxustificada ya inxustificable.

Mañana a les 20.00 concentración na Plaza'l Parchís de Xixón.

Drechu al deliriu

Thu, 25 Dec 2008 12:52:04 +0100

A propósitu d'estes feches, un videu de Galeano nel que pide'l drechu a delirar...

Bibliob�s pal S�hara

Wed, 24 Dec 2008 13:07:23 +0100

Foto 20/11/2008 20:41

Thu, 20 Nov 2008 20:41:51 +0100

Morrió Ana Pelegrín. Flor de les maraviyes.

La escuela nun ye una empresa

Thu, 13 Nov 2008 14:58:07 +0100

Curiosa la entrevista que-y facíen na radio esta mañana a Mariano Rajoy. Curioses les rempuestes que tocaben el tema de la educación y más concretamente la de la ciudadanía, que paez que ye la que más perceguera-y da al políticu español. Curioso que camiente qu'esi tipu de valores tienen de llimitase al ámbitu familiar (quitando'l casu de la relixón, claro) y doblemente curioso que manifieste públicamente'l so apueste por una educación "útil", que faiga por esparder unos conocimientos que "valgan pal futuru".
Coinciden estes afirmaciones con un llibru qu'ababo de lleer y que recomiendo vivamente: "La escuela nun ye una empresa", de la editorial Paidós.
Nél descríbese la tendencia creciente a entender la escuela como un instrumentu de creación de persones que respuendan a les necesidaes del mercáu. Nun fai falta educar persones (nel so sentíu ampliu y globalizáu) sinón especialistes que nun tienen por qué conocer nada más allá de la so propia especialidá.
Esti contestu tremendamente global, pue por embargu rellacionase con asignatures qu'a mí me toquen directamente: ye'l casu de la llingua asturiana nos curricula asturianos, paradigma de conocimientu inútil y ensin futuru tal y como s'entiende y presenta anguaño.
Al marxe de los estudios que desmonten esta visión "inutilizadora" de les llingües minoritaries por mor de les blimes que puen aportanos pal conocimientu d'otres llingües, cuento que ye importante tener clara la presencia del asturianu nes escueles sobre la base d'un conocimientu humanísticu que nos ufierta ferramientes pa vivir, entender y valorar el mundu nel que vivimos.

Presentaci�n

Wed, 29 Oct 2008 21:49:23 +0100

Esti domingu preséntase en Llanes el llibru: "Asturies cuenta... y naide nun escucha" de la Editorial Suburbia.

Una de les deficiencies que tien, dende'l mio puntu de vista, el mercáu editorial del llibru n'asturianu, ye la falta de promoción de los llibros que se saquen. Si conoces al autor pues llegar a enterate de la so esistencia, sinón, pasa directamente al almacén de los "llibros escaecíos". Incluso pa los que somos "del rollu".
Evidentemente hai honroses esceiciones. Esta ye una d'elles y nesti casu ellí taremos.

carabanchel

Mon, 27 Oct 2008 17:14:32 +0100

Nun ye la primer vez que falo d'esto nesti espaciu. El muséu de la cárcele de Peniche, en Portugal, tamién valiera pa reflexonar sobre los carraos de tierra que s'echen sobre les cárceles franquistes.
Paez ser qu'en Carabanchel, amás, hai intereses inmobiliarios, quién lo diba a dicir. Y a la fin otra vuelta les máquines y la imposibilidá de que l'espaciu quede pa l'alcordanza, o siquiera pal estudiu de les condiciones de vida d'unos presos políticos que, nesti casu, tamién la llevantaron.